Back to homepage

ጤና ይስጥልኝ

በኢትዮጵያዉያን ዘንድ የተለየ፣ በሌሎች አገሮች ብዙ የማይታይ  ሰላምታ አሰጣጥ አለ። ሰዎች ሲገናኙ ብቻ ሳይሆን ሲለያዩም ይጠቀሙበታል።  «ጤና ይስጥልኝ»  የሚለው ሰላምታ። ጤና ክቡር ነው። ጤና ተፈላጊ ነው። ጤነኛ መሆን የሁሉም ሰው ምኞት ነው። ጤነኛ መሆን መታደል ነው።

አንድ ሃብታም ሴት ነበሩ። ድረደዋ። የስኳር በሽታ በጣም አጠቃቸው። ከዚህ አለም በሞት ሊለዩ ጥቂት ቀናት በቀራቸው ጊዜ ሊጠይቋቸው ለመጡ ጎሮቤቶቻቸው «ምነው ጤና ኖሮኝ ቁልቢ የኔቢጤ (ለማኝ) በሆንኩ !» አሉ ይባላል። አዋ ቆመን ስንሄድ፣ ላይታየን እና ላይታወቀን ይችላል። ነገር ግን ፣ ከጤና የሚበልጥ ነገር የለም።

ዘመኑ የቴክኖሊጂ ዘመን ነው። የጤና በለሞያዎች ሕክምና ነክ ዝርዝሮችን ለማግኘት አይ ፓዳቸውን እና ኮንፒተራቸውን ጠቅጥቅ ማድረግ ልማዳቸው ከሆነ አመታት አልፈዋል። በርካታ በሽታዎችን እንዴት መከላከል እንደሚቻል፣ ለሚያጋጥሙን የጤና መታወኮች ምን ማድረግ እንዳለብን፣ የባለሞያ እርዳታ ካስፈለገ በአካባቢያችን ያሉ ስፔሻሊስቶችን አድራሻ፣ ከሕመማቸው የዳኑ ወገኖችን ምስክርነት የመሳሰሉ መጠነ ሰፊ መረጃዎች በኢንተርኔት በሽ በሽ ናቸው።

የኢትዮጵያ ማህበረሰብ እንደሌሎች ጋር ዜጎች  እነዚህ ጤና ነክ መረጃዎች እምብዛም ሲጠቅም አይስተዋልም። ሕዝባችን ጠቃሚ፣  ጤና ነክ መረጃዎች በቀላሉ እንዲደርሱት ለመርዳት ማህደረ ጤና  ድህረ ገጽ ተቋቁማለች። ድህረ ገጿ ወቅታዊ በጤና ዙሪያ በማጠንጠን በኢትዮጵያዉን ዘንድ ፈረንጆች እንደሚሉት አዌርነስ ለመፍጠር ትሞክራለች።

በአገር ዉስጥና ከአገር ዉጭ የምትኖሩ ኢትዮጵያዉያን የጤና ባለሞያዎች፣ ምክራችሁን ለሕዝባችን ታቀርቡ ዘንድ፣  ማህደረ ጤና ድህረ ገጽን እንደ መድረክ መጠቅም እንደምትችሉ በአክብሮት ለማሳወቅ እንሞክራለን። ጽሁፎችን፣ አስተያየቶች ላኩልን። እናስተናግዳለን።

ከአገር በፊት ማህበረሰብ፣ ከማህበረሰብ በፊት ቤተሰብ፣  ከቤተሰብ በፊት የእያንዳንዳችን ሕልውናና ጤንነት ይቀድማል። ከጤና የሚበል ነገር የለም። እኛ ጤናማ ስንሆን ነው ሌላ፣  ሌላ ማድረግ የምንችለው።

እግዚአብሄር ባለንበት ለሁላችንም ጤንነትን  ያብዛልን !

 

__________________________
ጤና ይስጥልኝ!   በአገር ዉስጥና ከአገር ዉጭ የምትኖሩ ኢትዮጵያዉያን የጤና ባለሞያዎች፣ ምክራችሁን ለሕዝባችን ታቀርቡ ዘንድ፣  ማህደረ ጤና ድህረ ገጽን እንደ መድረክ መጠቅም እንደምትችሉ በአክብሮት ለማሳወቅ እንሞክራለን። ጽሁፎችን፣ አስተያየቶች ላኩልን። እናስተናግዳለን።   

admin@mahderetena.com

aatebeje@gmail.com

__________________________

Write a comment

5 Comments

  1. tesfaye December 15, 20:38

    በጣም ጠቃሚ ነው

    Reply to this comment
  2. Major January 18, 12:40

    እጅግ ጠቃሚ ትምህርት ነዉ እግዚአብሔር ያክብርልኝ “ማህደረ ጤና”

    Reply to this comment
  3. Absi January 26, 16:45

    Excellent

    Reply to this comment
  4. ወድ ገ/ሴት March 10, 16:30

    በጣም ጠቃሚ ሁኖ ኣግኝቸዋለሁኝ
    ዕድሜ እና ጤና ይስጣቹ ማለት እፈልጋለሁኝ

    Reply to this comment
View comments

Write a comment

Your e-mail address will not be published.
Required fields are marked*

Archives