የአዕምሮ መሠረታዊ ክፍሎች እና አጠቃቀማቸው – ክፍል 1

በአዕምሮ አሠራር ላይ ጥናት ያደረጉ ባለሙያዎች እንዳረጋገጡት አዕምሮ አርባ አንድ ያህል ልዩ ልዩ ክፍሎች አሉት፡፡ ከእነዚህም መካከል በዕለትተዕለት ህይወታችን የምንጠቀምባቸው ጥቂቶቹን ብቻ ሲሆን አንዳንዶቹም ክፍሎች በተግባራቸው ተቀራራቢነት ያላቸው ናቸው፡፡

 

የአእምሮ ክፍሎች በሚወጧቸው ተግባራትና የሥራድርሻ በአራት ዋና ዋና መንገዶች ልንመድባቸውእንችላለን፡፡

 

Brain እነዚህም 1. የመረዳት (understanding)

 

2. በአይነ-ህሊና ማየት (Imagination)

 

3. የመወሰን (Decision making)

 

4. ድርጊት የመፈፀም (Action)

 

እነዚህ አራት ዋነኛ የአዕምሮ ክፍሎች እንዴት እንሚሠሩ በማወቅ አዕምሮን በቀላሉ ለመረዳት እና ብቃቱንለማሳደግ እንችላለን፡፡

 

2.1 መረዳት (understanding)

 

ይህ የአዕምሮ ክፍል ስለ ነገሮች ግንዛቤ የሚወሰድ ሲሆን  ይኸውም በአምስቱ የስሜት ህዋሳት የምንቀበላቸውን መልዕክቶች ወደ አዕምሮ ሲተላለፉከበፊቱ ልምድ አሊያም ከተከማቸ ዕውቀት አንፃር በማመዛዘን ለመልዕክቶቹ ትርጓሜ የምንሰጥበት ክፍል ነው፡፡

 

ወደዚህም ክፍል የሚደርሱ መልዕክቶች ብዛታቸው በጨመረ ቁጥር የአዕምሮ ሀይል እና ድርጊት የበለጠ ይሠፋል፡፡ ይህም የመልዕክቶች በፍጠነትመድረስ በሚኖረን አስተሳሰብ ንቁ እና ፈጣን እንድንሆን ያስቸለናል፡፡ መረጃዎችንና የተለያዩ መልዕክቶችን የሚቀበለው ይህ የአዕምሮ ክፍል ግንዛቤእንዲኖረንና አንድን ድርጊት እንድንፈፅም የሚያስችለን ስለሆነ አስፈላጊነቱም በጣም የላቀ ነው፡፡

 

ይህም የመረዳት ችሎታችንን ለማዳበር ለአዕምሮአችን መረጃን መጋቢ የሆኑትን የስሜት ህዋሳት ክፍት እና ፈጣን ስለሚያደርግ እጅግ በጣምአስፈላጊ ነው፡፡ ምክንያቱም የስሜት ህዋሳት የበለጠ ፈጣን ምላሽ የሚሰጡ ከሆነ የአዕምሮም ኃይል እና ብቃት የበለጠ የጠነከረ ይሆናል፡፡

 

እንስሳትንም ብንመለከት የማስተዋል ችሎታው ጐልቶ የሚታየው የስሜት ህዋሳቱ የተሟላ እንስሳ ላይ ነው፡፡ ያልዳበሩ የስሜት ህዋሳትንየሚጠቀሙ እንስሳት አነስተኛ መጠን ያለው የማሰብ ችሎታ ሲኖራቸው የዳበረ እና ከፍተኛ ንቃት ያላቸው ደግሞ የአስተሳሰብ ችሎታቸው የበለጠይሆናል፡፡

 

ከፍተኛ የአዕምሮ ችሎታ ያለቸው ሰዎች ከሌሎች በበለጠ የስሜት ህዋሳቶቻቸው ንቁ እና ፈጣን እንደሆነ መረጃዎች ያሳያሉ፡፡ ለዚህም ምሳሌነትየሚሆኑት ማንት፣ ስፔንሰር፣ ዳርዊን እና ሾፐን ሀወር የመሳሰሉት የላቀ አዕምሮአዊ ብቃት ባለቤቶች ናቸው፡፡ አነስተኛ መጠን ላላቸው ድምጾችስሜታቸው ቅርብ የነበረ ሲሆን ኒውተን እና ጐቴ ደግሞ ከሚገባው በላይ የላቀ የማሽተት ስሜት እንደነበራቸው ይነገራል፡፡

 

ይኸውም ከፍተኛ የማሰብ ችሎታቸውን በመጠቀም አስደናቂ የሆኑ ግኝቶች ላይ መድረስና ሌሎችሥራዎች መስራት የቻሉበት አንደኛው ምክንያት ህዋሶቻቸውን ከተለመደው በበለጠ ስለተጠቀሙበትነው፡፡ የአንድ ፖም ፍሬ ከዛፍ ላይ መውደቅ በብዙ ሚሊዮን ለሚቆጠሩ ሰዎች አዲስ ነገር ባይሆንምይህንን ክስተት ለታላቅ ግኝቱ መሠረት አድረጎ የተጠቀመበት ግን እጅግ የዳበረ የስሜት ህዋሳትየነበሩት ሰር አይዛክ ኒውተን ነበር፡፡ የአምፖል መወዛወዝን በመመልከት ዘላለማዊ ግኝት ላይ የደረሰውየጋሊሊዮ ታሪክም ተመሳሳይ ነው፡፡

 

የህክምና እና የስነ-ልቦና ባለሙያዎች እንደሚናገሩት የአብዛኛው ሰው የስሜት ህዋሳት አጠቃቀምከሚገባው በታች ነው፡፡ በተለምዶም “ከዓለም ህዝብ ግማሹ ደንቆሮ ሲሆን ቀሪው ደግሞ ዲዳ ነው”የሚል አባባልን ይጠቀማሉ፡፡ ይህም የሚያሳየን የስሜት ህዋሳቶቻችንን የበለጠ መጠቀም የመረዳትአእምሮአዊ ችሎታችንን ለማሳደግ አስፈላጊ መሆኑን ነው፡፡

 

ስለዚህም አምስቱንም የማየት፣ የመስማት፣ የመቅመስ፣ የማሽተትና የመዳሰስ የስሜት ህዋሳቶቻችንንበተቻለ መጠን ከፍተኛ የሆነ ብቃት ወይም ፈጣን ምላሽ መስጠት እንዲችሉ በተግባራዊ ልምምድበማዳበር አዕምሮአዊ የመረዳት ብቃታችንን መጨመር አለብን፡፡

 

2.2 በዓይነ-ህሊና የመመልከት ችሎታ /ምናባዊ አስተሳሰብ/

 

በዓይነ-ህሊና የመመልከት ማለት የአንድን ነገር ክስተት የአዕምሮ ምናባዊ ምልከታ በመጠቀም ከሚታየው እና ከነበረው በተለየ መልኩ ለመመልከትየሚያስችል ጥበብ ነው፡፡ ይኸውም በስሜት ህዋሳት መመልከት የማይቻለውን በአዕምሮአዊ ምስል ሰዎች አካባቢ ሁኔታዎችን በግልፅ ለመረዳትየሚመለከቱትንም ነገር ትርጓሜ ይሰጡ ዘንድ በማገዝና በመማር ሂደት ውስጥ መሠረታዊ ሚና ይጫወታል፡፡ በተለይ ደግሞ ለአዳዲስ ግኝቶች እናጥበባዊ ፈጠራዎች መጐልበት ቀዳሚውን ድርሻ ይወስዳል፡፡

 

የሰው ልጅ የአዕምሮአዊ ምስል እና ክስተቶችን በመፍጠር ሂደት ውስጥ ተሳታፊ ከሚሆኑት በርካታ የአንጐል ክፍሎች ውስጥ ኒኦ-ኮርቴክስ /Neo-cortex/ እና ታላመስ /Thalamus/ ዋነኞቹ ናቸው፡፡

 

ይህም በዓይነ-ህሊና የመመልከት አዕምሮአዊ አሠራር በሁሉም ሰው ዘንድ ተግባር ላይ የሚውል ሲሆን የአገልግሎት መጠን ግን ከሰው ሰው ይለያል፡፡ለዚህም ዋነኛው ምክንያት ይህ ዓይነቱ አዕምሮአዊ ችሎታ እንደሌሎቹ ሁሉ በአካባቢያዊ ሁኔታ ተፅዕኖ ስር ስለሚወድቅ ነው፡፡

 

ከህፃንነቱ ዕድሜ ጀምሮ መፅሐፍ እየተነበበለት እና ታሪክ እየተነገረው የሚያድግ ልጅ እና የአዕምሮውን ምናባዊ አሠራር በማያሳትፍ ሁኔታ ውስጥያደገ ልጅ በዓይነ-ህሊና በመመልከት /Imagination/ ችሎታቸው እኩል እንዲሆን አይጠበቅም፡፡ የመጀመሪያው ልጅ ታሪክ ሲነገረውና መፅሀፍትንሲያነብም ሆነ ሲነበብለት ሁኔታውን በተረዳው መጠን በአዕምሮው ምናባዊ ምስልን እየፈጠረ ስለሚያድግ በዓይን የማይታዩ ነገር ግን ምናባዊምልከታን የሚጠይቁ ተግባራትን ለመረዳትና ለመፍጠር ቀላል ይሆንለታል፡፡

 

በአንፃሩ ደግሞ ሁለተኛው ልጅ በአምስቱ የስሜት ህዋሳት ሊታወቁ ከሚችሉነገሮች ባለፈ የፈጠራ አስተሳሰብ እንዲያዳብር ስለማይደረግ ነገሮችን ከተነገረውወይም በግልፅ ከተቀመጡበት አቅጣጫ ብቻ ሳይሆን በአዲስ እና የተለየ መንገድለመመልከት ያዳግተዋል፡፡ ይኸውም ከልጅነት ዕድሜ ጀምሮ በአይነ-ህሊናመመልከትን እንዲያዳብር ድጋፍ ያልተደረገለት ሰው የአዕምሮው ምናባዊ ምልከታደካማ ስለሚሆን አዲስ ሀሳብን ለማመንጨት እና ለመፍጠር ከፍተኛ ድካም ውስጥመግባቱ አይቀርም፡፡

 

አዳዲስ ሀሳቦችን እና ነገሮችን እንድንፈጥር የሚያስችል ኃይል የሚገኘው በአይነ-ህሊና ምልከታ /Imagination/ ክፍል ውስጥ ነው፡፡ ይህም ኃይል አብዛኛውንጊዜ ፈጠራንና ምናባዊ ምልከታና በሚጠይቁ እንደ ስዕል፣ ቅርፃ ቅርፅ የልብ-ወለድድርሰቶች፣ የልብስ ዲዛይንና ፋሽን እና በመሳሰሉት የሥራ ዘርፎች ላይ በከፍተኛደረጋ ጥቅም ላይ ሲውሉ እናያለን፡፡

 

ይሄንን የአዕምሮ ክፍል በአግባቡ የሚጠቀሙበት ሰዎች አንድን ሃሳብ የሚያፈልቁት ወይም  የሚፈጥሩት እንዲሁ ከባዶ ተነስተው ሳይሆን ቀደምሲል የሚያውቋቸው ሀሳቦች፣ መረጃዎች፣ አስተሳሰቦች፣ ሁኔታዎችንና የተለያዩ ክስተቶችን በአዲስ መንገድ በማዋሀድ ከውስጡ አዲስ ሃሳብን ወይምፈጠራን በማመንጨት ነው፡፡

 

በበርካታ ሰዎች ዘንድ ግን ይህ ወደፊት ሊሆኑ የሚችሉ እና በአሁን ጊዜ የሌሉን ነገሮች የሚያስቡበት የአይነ-ህሊናቸው ክፍል በዕለት ተዕለትእንቅስቃሴያቸው ላይ የሚሰጠው አገልግሎት በጣም አናሳ ነው፡፡ ምክንያቱም ይሄ ችሎታ በአካባቢያዊ ሁኔታዎች እና የአስተዳደግ ባህል የተነሳ ድጋፍስላልተደረገለት አብዛኛዎቻችን እንዴት ገንቢ በሆነ ሁኔታ ልንጠቀምበት እንደምንችል አናውቅም፡፡

 

በዓይነ-ህሊና የማየት ችሎታን ለማዳበር

 

ውጤታማ በሆነ መንገድ በዓይነ-ህሊና የማየት ችሎታን ለማዳበር ዋነኛው መንገድ ነገሮችን በሆኑበት ሳይሆን ሊሆኑ በሚችሉበት መንገድ ማየትነው፡፡ አንድን ነገር ስናስብ ወይም ስንመለከት በዓይነ-ህሊና የማየት ችሎታችንን ተጠቅመን በመመርመር በአዲስ አቅጣጫ ለማየት መሞከርየአዕምሮን ምናባዊ አሠራር በማስፋት አዳዲስ የሆኑ ፈጠራዎችንና ሀሳቦችን እንዲያመነጭ ይረዳዋል፡፡ እንዲሁም መፅሀፍትን ማንበብ አዕምሮአዊምልከታን ለማዳበር ይጠቅማል፡፡

 

በዓይነ-ህሊና መመልከት አዳዲስ ፈጠራዎችንና ሀሳቦችን ለማመንጨት ከመርዳቱም በተጨማሪ አንድ ሰው በዓይነ-ህሊና በመመልከት ችሎታንተግባራዊ በማድረግ ሊያሳካው የሚፈልገውን ነገር አስቀድሞ ለማየት እና እርምጃውንም ለማስተካከልና ወደ ግቡ ለመጓዝ ቀዳሚው እርምጃ ነው፡፡

 

 

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.