የእንጉዳይ ጥቅሞች

በዶ/ር ብርሃኔ ረዳኢ

Mushroom3(Mushroom) በቀደምት ህዝቦች ዘንድ ለጥንቆላና ለመሳሰለው ተግባር ያገለግላል ተብሎ ይታመንበት ነበር፡፡ የግብፅ ፈርኦኖች እንጉዳን ለራሳቸው ብቻ በመያዝ ተራው ህዝብ እንዳይመገበው ይከለክሉ ነበር፡፡ ሮማውያን እንጉዳይ የአማልክት ምግብ ‹‹food of the gods›› ነው የሚል ህግ አፅድቀው ተራው ህዝብ እንዳይመገበው ሲያደርጉ ኖረዋል፡፡ ግሪካውያን ደግሞ ለተዋጊ ጦረኞች ኃይልን ያጎናጽፋል ብለው ያምኑ ነበር፡፡ እንደ እንጉዳይ ከ1600ዎቹ አካባቢ በተለይም በፈረንሳይ ለምግብነት መዋል እንደጀመረ ይነገራል፡፡ በዓለም ላይ 14ሺ ያህል እንጉዳዮች ያሉ ሲሆን 3000 ያህሉ ብቻ ለምግብነት ይውላሉ፡፡ 700 ያህሉ የፈዋሽነት አቅም አላቸው፡፡ ከአንድ በመቶ በታች የሚሆኑት መርዛማ ናቸው፡፡ በሃገራችን ከቅርብ ጊዜ ወዲህ በስፋት እየተመረተ ለሃገር ውስጥና ለውጭ ገበያ በመቅረብ ላይ ይገኛል፡፡

ክብደት ለመቀነስ ይረዳል

እንጉዳይ ዝቅተኛ ካሎሪ በመያዙ በርካታ የጤና ጠቀሜታዎች ይሰጣል፡፡ ክብደታቸውን ለመቀነስ የሚፈልጉ ሰዎች እንዲያዘወትሩት የሚመከር ምግብም ነው፡፡ ዝቅተኛ ካርቦሃይድሬትስና ፋት የያዘ መሆኑ ተመራጭ ያደርገዋል፡፡

እንጉዳይና ቫይታሚን ዲ

በሃገራችንም ሆነ በሌላው ዓለም የሚዘወተረው button mush room የተሰኘው ነጭ እንጉዳይ የቫይታሚን D2 እና D3 ጥሩ መገኛ ነው፡፡ የበሽታ መከላከል አቅምን ያሳድጋል፡፡

በአሜሪካ የስነ ምግብ ማህበር በነጭ እንጉዳይ ላይ የተካሄደ አንድ ጥናት በሰውነታችን ውስጥ የአንቲቫይራል እና የፕሮቲኖችን መመረት በማፋጠን የሰውነት ጤንነት ይጠብቃል ብሏል፡፡ ሌላ ጥናት ደግሞ እንጉዳይ ከመቅኔ የሚሰሩ dendritic cells  የተሰኙትን በሽታ ተከላካይ ሴሎች ምርት በረታታል ሲል አሳቀውቋል፡፡

  ኮሌስትሮልን ይቀንሳል

እንጉዳይ፣ ኮሌስትሮልና ፋት የሌለው የተጣራ ፕሮቲን ይሰጣል፡፡ እንጂ ኮሌስትሮልን የሚቀንሱ ኤንዛይችን ስራም ያግዛል፡፡ ስታርች አልባ-የሆኑትን chitin እና beta-glucan የተሰኙ ፓሊሳካራይድስ በማቅረብ የኮሊስትሮልን መጠን እንዲቀንስ ያግዛለ፡፡

የስኳር በሽታና እንጉዳይ
Mushroom2እንጉዳይ ለስኳር ህመምተኞች ተመራጭ ምግብ መሆኑ ይነገርለታል፡፡ ዝቅተኛ ሃይል ሰጭ መሆኑ ተመራጭ አድርጎታል፡፡ ምንም አይነት ፋትና ኮሌስትሮል የሌለው መሆኑ ዝቅተኛ ካርቦሃይድሬትስ፣ ከፍተኛ ፕሮቲን፣ ሚኒራሎችና ቫይታሚኖች እንዲሁም በቂ ውሃና ፋይበር ይዟል፡፡ በተጨማሪም ሙሉ ለሙሉ ተፈጥሯዊ የሆኑ ኢንሱሊን እና ኤንዛይሞችን በመያዙ ስኳርና ስታርችነት ያለባቸውን ነገሮች ለመሰባበር ይረዳል፡፡ ጉበት ፓንክሪያስና ሌሎች የኢንዲክራይናል እጢዎች ተግባራቸውን በአግባቡ እንዲወጡ የሚረዱ ንጥረ ነገሮችን በመያዙ ኢንሱሊን እንዲመረት ከማበረታታቱም በላይ ፍሰቱ በተገቢው መንገድ እንዲከናወን ያደርጋል፡፡ የስኳር ህመምተኞች በተደጋጋሚ በኢንፌክሽን (በተለይም በእጅና እግሮቻቸው ላይ) ይጠቃሉ፡፡ እንጉዳይ ከዚህ ችግር በሚገላግሏቸው ተፈጥሮአዊ አንቲባዮቲኮች የበለፀገ ነው፡፡

    ካንሰርን ይፋለማል

እንጉዳይ ካንሰር ጉዳት እንዳያስከትል ተጭኖ መያዝ ይችላል፡፡ ይህን ለማድረግ የሚያስችሉ በውስጡ የያዛቸው ፖሊስካራይድስ እና anti-tumor agents ናቸው፡፡ እነዚህ ንጥረ ነገሮች የካንሰር ሴሎች በሰውነት ውስጥ እንዳይስፋፉ ይከላከላሉ፡፡

በአንቲ ኦክሲደንቶች የበለጸገ ነው

በሽታ ተከላካይ የሆኑት አንቲ ኦክሲደንቶች ብዙ ጊዜ ከተክችና ፍራፍሬዎች ጋር ተያይዘው የሚነሱ ቢሆንም የ fungi ዝርያ የሆነ እንጉዳይም መገኛቸው ነው፡፡ ይህ ብቻ ሳሆን እንጉዳይ ውስጥ የሚገኙ አንቲኦክሲዳንት ባለ ከፍተኛ ጥራት በመሆኑ እንደ ካንሰር ያሉ አደገኛ በሽታዎችን ለመከላከል ይረዳል፡፡

   የሰውነት ውህደትን ያፋጥናል

mushroom_small_web-538x318በውስጡ በከፍተኛ መጠን የያዛቸውን ቫይታሚኖች፣ በተለይም የቢ ቫይታሚኖች ሰውነታችን ምግብን በቀጥታ ወደ ኃይል ምንጭነት ለመቀየር ያስችሉታል፡፡ ይህ የኡደት መፋጠን ክብደታቸውን ለመቀነስና ለመቆጣጠር ለሚፈልጉ ሰዎች ከፍተኛ ጥቅም ይሰጣል፡፡

የቆዳ ጤንነትን ይጠብቃል

በውስጡ በከፍተኛ መጠን የያዘው ውሃ ለቆዳ ጤንነት ተመራጭ አድርጎታል፡፡ ቆዳን ከማቀዝቀዙም በላይ ወዙን እንዲጠብቅ ያስችለዋል፡፡ እንጉዳይ ቆዳን ማሳመር ብቻ ሳሆን ሽፍታዎችንና በማሳከክ የሚከሰቱ ቁስሎችን ይቀንሳል፡፡ የቫይታሚን ዲ ይዘቱ የቆዳን ጤንነት ጠባቂ አድርጎታል፡፡

    የወሲብ ህይወት ያሳምራል 

እንጉዳይ ዚንክ የተባለውን ንጥረ ነገር በከፍተኛ መጠን ይዟል፡፡ ይህም የወሲብ ብሎቶችነድ ጤንነት እንዲሻሻል እገዛ እንዲያደርግ አስችሎታል፡፡ በተጨማሪም አድካሚ ቀን ቢያሳልፉ ጥሩ ወሲብ አቅም እንዲኖርዎ ያደርጋል፡፡ በተለይም ለወንዶች፡፡ እምጉዳዩ አዘውትረው የሚገቡ ወንዶች ስፐርም ካውንት ጨምሮ መገኘቱን አንድ ጥናት ዘግቧል፡፡

የደም ግፊትን ይቀንሳል

እንጉዳይ የደም ግፊትን በሚቀንሰውና በልብ ድካም መጠቃትመን የሚያስቀረው ፖታሲየም የበለፀገ ነው፡፡ የፖታሲየም ይዘቱ ከሙዝና ከአንድ ብርጭቆ የብርቱካን ጭማቂ ይበልጣል፡፡

 

 

 

1 COMMENT

  1. በጣም እናመሰግናለን ለምትሰጡ ግልጋሎት የህዝብን የጢና ግንዛቤ እድገት ከፍ ለማድረግ የምትጥሩትን ጥረት እናደንቃለን በርቱ። እንጉዳይ በጣም ከሚገርማችሁ እኔ ልጅ እያለሁ በአካባቢያችን ለምግብነት አጠቅምም ነበር መጫዎቻ ነበር በሃገራችን ብዙ ፍራፍሪዎች አትክልቶች ምግብ ላይ ሳንጠቀምባቸው ቀርተናል። አሁን ግን የህዝባችን የእውቀት ደረጃ እያደገ ስለሄደ…እና ለወደፊት ምድር የምታመረትው ለሰው ልጆች በቂ እማይሆንበት ደረጃ ላይ ሊደረስ ስለሚችል እንደዚህ አይነት ቅድመ ኢንፎርሚሽን ማቅረባችሁን ቀጽሉ » ጭራሽ የሚበላ እና የሚቀመስ ጠፍቶ ሰው እርስ በራሱ የመበላላት ጊዜ ሊመጣ ይችላል በየ እገምታለሁ የአለማችን የህዝብ ብዛት አሁን ባለበት አማካኝ የወሊድ ሂደት ላይ ከቀጸለ።

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.