የሰከነ አእምሮን መላበስ የምንችልባቸው 10 ጠቃሚ ምክሮች – ወንድሙ ነጋሽ

main PatternKing shutterstock_83115251.) ሕይወት ሞልታ አትሞላም፡፡ውጥንህ በሙሉ በእንዲት ጀምበር ፉርሽ ሊሆን ይችላል፡፡የሞከርክው፣ የነካኸው ነገር እየከሸፈብህም ተቸግርህም ይሆናል፡፡ይሀንን ሁላ ፈተና ግን እንደ መርገምት ከወሰድከው ትልቁ ተሸናፊ እንተው ራስህ ነህ፡፡ ከእዚህ ይልቅ ጥመቱን በሰከነ አእምሮ ቀርበህ በርብረው፡፡ያን ጊዜ ብዙ ሲሳዬች ይገለጡልሃል፡፡የሰከነ አእምሮን እና የተረጋጋ ስብዕናን ስትላበስ ጥመቱ/ውድቀቱ/ መልካም አጋጣሚ ሆኖ ይታይሃል፡፡

2.) በንዴት ለመጦፍ ከቋፍ ላይ ስትሆን ከሆድ ዕቃ አንስተህ ሸቅብ ወደላይ በረጅሙ ተንፍስ፡፡በእዚህ ጊዜ ለራስህ እስኪገርምህ ድርስ ፍጹም የመረጋጋት እና የሰላም ስሜት ይሰማሃል፡፡

3.) ብስጭት እና መወጣጠር ከፈጠረብህ ሁኔታ ወይም ቦታ በተቻለ መጠን ራስህን ገለል አደርግ፡፡ገለል ማለት ካልቻልክ ሁኔታውን በሰከነ አእምሮ ለማስተናገድ ሞክር፡፡

4.) አካላዊ እንቅስቃሴ ማድረግህን አትዘንጋ፡፡አካላዊ እንቅስቃሴ በሰውነት የተከማቸውን ጎጂ ኃይል በማቃጠል አእምሮ ዘና እንዲል ይረዳል፡፡

5.) በቀላሉ መፈጭት የሚችሉ፣የስብ እና የቅባት ክምችታቸው አነስተኛ የሆኑ ምግቦችን መመገብ ለአእምር ሰላም እና ስክነት የሚኖራቸው አስተዋጾ የበዛ ነው፡፡

6.) እንደአየአስፈላጊነቱ ሜዲቴሽን ማድረግ፡፡ሜዲቴሽን የሚለው ቃል ለብዙዎቻችን እንግዳ ስሜትን ነው የሚያጭረው፡፡ሜዲቴሽን ግን ምንም የተለየ ምስጢር የለውም፡፡በማንኛውም ቅጽበት መላ ቀልባችንን አሁን ላይ ማድረግ የምችንልበት ጥበብ ነው፡፡

7.)የተረጋጋ እና የሰከንክ ሰው እንደሆንክ ለራስህ ደጋግምህ ንገረው፡፡ራስህን ማሞካሸት ካልቻልክ ማን ያሞካሽሃል.

8.) እንደ ትልቅ ቁምነገር ቆጥረን ጭንቅ ጥብብ የምንልበት ነገር መናኛ ሆኖ ስናገኘው ምን ይሰማናል? ባብዛኛው ጭንቀት የሚፈጥሩብን ነገሮች እዚህ ግባ የሚባሉ አይደሉም፡፡Don’t jump the gun and waste your energy worrying over nothing.

9.) ከአንተ ቁጥጥር ውጭ በሆነ ነገር ላይ ጭንቅ ጥብበ ማለቱ ረብ የለሽ ነው፡፡ለምሳሌ ሥራ በምትጣደፍበት ቅጽበት ከፊት ለፊትህ ከባድ የትራፊክ መጨናነቅ አጋጠምህ እንበል!በእዚህ ጊዜ ምንድን ነው ማድረግ ያለብህ?ሁኔታውን በጸጋ ተቀብለህ በትዕግስት መጠባበቅ ወይስ በንዴት መንጨርጨር….ምርጫው በእጅህ ነው……….የሚበጅህን የማድረጉም ፋንታ… ያአንተው ነው…..እጅህን …ወደ ወኃ …ወይም …ወደ እሳት…ለመላክ ሙሉ ነፃነቱ ተሰጥትኋል ..እና

10.) ልብ በል! የሰከነ አእምሮ የትኛውንም መላ ለማምጣት አይሳነውም፡፡በጭንቀት የተረወጠረ አአምሮ ግን አንዲት ቋጠሮ ሳይፈታ እንደው በከንቱ ይዋልላል፡፡ስለዚህ ሁልጊዜም የሰከነ አአምሮ ይኑርህ፡፡
®አቶ ወንድሙ ነጋሽ ነዋሪነታቸው በእንግሊዝ ሲሆን “የአእምሮ ጉዳይ” የተሰኘው መጽሐፍ ደራሲ ናቸው፡፡ በአእምሮ ጤና ዙርያ በራስ ተነሳሽነት ጥናትና ምርምር እንዲሁም ተያያዥ የበጎ አድራጎት ሥራዎችን ይሰራሉ፡፡

1 COMMENT

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.