የወንዶች ሳይኮሎጂ – ወንዶች የማያውቋቸው በሳይንስ የደረሰባቸው 7 ጉዳዮች

5
112

ታይም መጽሔት ይዞት የወጣው ጉዳይ በጣም እያነጋገረ ነው፡፡ መጽሔቱ ‹‹የወንዶች ሳይኮሎጂ›› በሚለው ርዕሰ ጉዳዩ ስር ወንዶችና ሴቶች፣ ፍቅርን እንዲሁም ወሲብን በሚመለከቱ ጉዳዮች ዙሪያ በስፋት ይተነትናል፡፡ ለትንታኔውም ዋቢ ያደረገው የተለያዩ ሳይንሳዊ ጥናቶችን ነው፡፡ እኛም በአጭሩ በሚገባ መልኩ እንዲህ አቀናብረነዋል፡፡

1. ቆንጆ ወንዶች ሃብታም በሆኑ ቁጥር ሴቶች ለጋብቻ አይመርጧቸውም እየተባለ ነው (ይፈሯቸዋል)
ሴቶች ውበት፤ ሀብትና ዝና ካላቸው ወንዶች ጋር ለፍቅር ካልሆነ በስተቀር ትዳር ውስጥ ዘሎ ለመግባት ይቸገራሉ ይላል አንዱ ጥናት፡፡ በተለይ ወንዱ ውበትና ሃብትን በአንድ ላይ አጣምሮ ከያዘ እንዲሁም ዝናና ሀብትን ካጣመረ ወይም ውበትና ዝና ካለው በትዳር ውስጥ ታማኝ አይሆንም የሚል እምነት አላቸው፤ ሴቶች፡፡ እንዲህ አይነት ወንዶች ሌሎች ሴቶችን በቀላሉ የማማለል አቅም ስላላቸው በትዳር ውስጥ አዋጭ አይደሉም ብለው ያምናሉ፡፡ በመሆኑም ይላል ጥናቱ የሴቶችን እምነት ጠንካራ ለማድረግ እንዲህ መሰል ወንዶች ታማኝነታቸውን በተደጋጋ ሊያሳዩ ይገባል ይላል፡፡
በዚህ ረገድ የተሰራው ጥናትም በአካላዊ ውበታቸው ሳቢ የሆኑ ወንዶች ተመረጡ፡፡ ከዚያም እነዚህን ወንዶች ከፍተኛ፤ መካከለኛና ዝቅተኛ ገቢ ያላቸው እንደሆኑ አድርገው መደቡና ሴቶች ከታማኝነትና ከላቀ የባልነት ዋጋ አንፃር የራሳቸውን የግል ምርጫ እንዲያደርጉ ቀርቦላቸው የተገኘው ውጤት ከላይ ያለውን አስገራሚ ውጤት ያስገኝ ነበር ይላል መፅሔቱ፡፡

2. ወንዶች ቀልድ አዋቂነታቸው በጨመረ ቁጥር የሚወዷቸው ሴቶች ቁጥር ይንራል ተብሏል (አደጋ አለው)
አንድ ወንድ በቀልዱ ብዛት ከምን ያህል ሴቶች ጋር ሊተኛ እንደቻለ ማወቅ ይፈልጋሉ? ሲል ይጠይቃል፡፡ አስቂኝ ቀልድ የሚችሉ ወንዶች ከሌሎች ወንዶች ይልቅ ለፍቅር በተሻለ ደረጃ በሴቶች ይመረጣሉ ይላል፡፡ ይህም የሚሆነው አስቂኝ ባህሪ በራሱ የልዩ አዕምሯዊ ብቃትና የፈጠራ ችሎታን እንዲሁም የመልካም አባታዊ ባህሪን ለሴቶች የመጠቆም ኃይል ያለው በመሆኑ ነው ይላል መፅሔቱ፡፡ ልዩ የአዕምሮ ብቃት በራሱ አስቂኝ ነገሮችን የመፍጠር ችሎታ አለው፤ የማሳቅ ችሎታ ደግሞ በራሱ የፍቅር ጥምርታ ስኬትን ይጠቁማል፡፡
በዚህ ረገድ 400 የሚሆኑ የዩኒቨርሲቲ ተማሪዎች (200 ወንዶችና 200 ሴቶች) ላይ ጥናት ተደርጎ ነበር፡፡ የመጀመሪያው ጥናትም አስቂኝ ነገሮችን ለመፍጠር የሚያስፈልጉ ሁለት መሰረታዊ ብቃቶች ላይ ያተኮረ ነበር፡፡ የመጀመሪያው ንግግራዊ ብቃት (Verbal intelligence) ሲሆን ሁለተኛው ደግሞ አጠቃላይ የአዕምሮ ብቃት (General intellignece) ላይ ነበር፡፡ ከዚህ ጋር በተያያዘም አስቂኝ ነገሮችን የመስራት ችሎታን የሚመረምር ፈተናም ነበር፡፡ በጥናቱ ውጤትም ከፍተኛ ብቃት (ኢንተለጀንስና) አስቂኝነት ከፍተኛ ትስስር ያላቸው ሲሆን እነዚህ ወንዶች ደግሞ በሴቶች ዘንድ ከሌሎች ይልቅ በከፍተኛ ደረጃ ለፍቅር መመረጣቸውን አመልክቷል፡፡ በጥናቱ ላይ እንደታየው ወንዶች ከሴቶች ይልቅ የበለጠ ቀልድ ይችላሉም ብሏል፡፡ በወንዶችም ዘንድ የበለጠ ለፍቅር የተመረጡት ቀልድ የሚችሉት ሴቶች ሆነው ተገኝተዋል፡፡
አስቂኝነት ፍቅርና ወሲብ ቀስቃሽነት ያለውም ከኢንተለጀንስ (ልዩ ብቃት) ጋር የሚያያዝ ስለሆነ ነው፡፡ ሁሉም ሰው ደግሞ ብቃት ያለውን ሰው ማፍቀር ይፈልጋል፡፡ ልዩ ብቃት የጥሩ ዝርያ መገለጫ መጠቆሚያ ስለሆነም ሲሆን ከእንዲህ መሰሉ ምርጥ ዘር ባለቤትም ዘር መቀላቀልንም ተቃራኒ ፆታዎች ይፈልጉታል ይላል ጥናቱ፡፡

3. ሴት የወለዱ የመስሪያ ቤት አለቆች ለሴት ሠራተኞቻቸው ከፍተኛ ደመወዝ በመክፈል ያዳላሉ ተብሏል (የበለጠ ሴት ይውለዱ ያሰኛል)
ሴት ልጅ ያላቸው የድርጅት አመራሮች ለሴቶች ሠራተኞቻቸው የተሻለ ደመወዝ ይከፍላሉ ይላል ሌላኛው ጥናት፡፡ (Women’s salaries are higher when the boss has a daughter)፡፡ በዚህ ረገድም የተደረገው ጥናት ይህንኑ አመልክቷል ይላል ታይም መፅሔት፡፡ የወንዶች ፆታ ተኮር ገፀ ባህሪና ጾታዊ አመለካከት በሴት ልጆቻቸው አማካኝነት ተፅዕኖ ትንሽ የባንክ አካውንት እንዳላቸው አድርገው ያሰቡት የፍቅር ምርጫቸው ሳያውቁት ተቀይሮ ወፍራም ዳሌና ጡት ያላቸውን ሲመርጡ ቀሪዎቹ ደግሞ ቀጫጭኖቹን መርጠዋል ይላል ጥናቱ፡፡ በተመሳሳይ ሁኔታም ሆዳቸው የጠገበና የተራቡ ተማሪዎች ላይ የተገኘው ውጤት ሆዳቸው የሞላ ወንዶች ቀጫጭን ሴቶችን ሲመርጡ ሆዳቸው የተራቡ ደግሞ ተጨማሪ ቅባት የተሸከሙ ሴቶችን መርጠዋል ብለዋል፡፡ በተመሳሳይ መልኩም የተራቡት ከጠገቡ በኋላ፤ የጠገቡትም እንደገና ከተራቡ በኋላ በተደረገው ቅኝትም ምርጫቸው ከበፊቱ ተቃራኒ ሆኖ ተገኝቷል፡፡
ይህም ምንን ሊያመለክት እንደሚችል ባለሙያዎቹ ሲያብራሩም ወንዶች ገንዘብ ሲያጡ ህይወት የምትታያቸው ከምግብ እጥረት ጋር ነው፡፡ ሲራቡም ይህንኑ ያስባሉ፣ ይላሉ አጥኚዎቹ፡፡ በመሆኑም ሰውነታቸው በውስጡ ለተጨማሪ ካሎሪ እንዲጓጓ ይሆናል፡፡ ይህም ተጨማሪ ካሎሪ ደግሞ ከስብ (ቅባት) ጋር የተያያዘ በመሆኑ ወንዶች ኪሳቸው ሲዳከምና ሆዳቸው ሲጎድል ወፈርፈር ባሉ ሴቶች የበለጠ ተፈጥሯዊ ስሪታቸው ይማልላል በማለት ጉዳዩን ይፈቱታል፡፡ ይህ የሚያሳየው እንግዲህ በፆም ወቅት ወፍራም ሴቶች አማላይ ሲሆኑ በሀብታሞች ሰፈር ደግሞ ቀጫጭኖቹ ልብ ሰቃይ ናቸው እንደማለትም ነው፡፡

4. ወንዶች ሚስቶቻቸውን በተጠራጠሩ ቁጥር ልጆቻቸው የእነሱ ያለመሆን ዕድላቸው ይጨምራል
አንድ ወንድ ልጅ የወለዳቸው ልጆቹ ከእሱ ዘር ያልተወለዱ የመሆናቸው ዕድል ምንያህል ሊሆን እንደሚችል ያውቃሉ? በአማካይ በዓለም አቀፍ ደረጃ ከ10 ልጆች ውስጥ አንዱ (ዷ) ከአሳዳጊ አባቱ ያልተወለደ(ች) ነው ይላሉ ጥናቶች፡፡ ነገር ግን ይህ ቁጥር በጣም ትንሽ ወይም በጣም ትልቅ የሚሆንበት ዕድልም አለ ተብሏል፡፡
እንደሚታወቀው ምን ጊዜም ልጅን አምጣ የምትወልደው እናት ስትሆን ወንዱ ለፅንስ የሚሆን ዘር ከማበርከት የዘለለ ሚና የሌለው በመሆኑ እናትነት ምንጊዜም እርግጠኝነት ሲሆን አባትነት ግን እምነት ነው ይላሉ አበው ሲተርቱ፡፡ ተመራማሪዎችም ጉዳዩን ‹‹አዎ ትክክል ነው!›› እያሉ ነው፡፡ አንድ ወንድ ሚስቱን በጣም የሚያምናት ከሆነ የወለዳቸው ልጆች የእሱ የመሆን ዕድላቸው በጣም ከፍተኛ ነው ማለትም የእሱ ያለመሆን ዕድላቸው ከ10 በመቶ ያነሰ ሲሆን (ዜሮ ግን ሊሆን አይችልም)፤ ነገር ግን ወንዱ ሚስቱን የሚያምናት ከሆነ የወለዳቸው ልጆ የእሱ የመሆን ዕድላቸው እስከ 33 በመቶ ከፍ ይላል ተብሏል፡፡ (ከ3 ልጆች ውስጥ አንዱ) የእሱ ላይሆን ይችላል ማለት ነው፡፡ ይህም ማለት ይላሉ ባለሙያዎቹ ሚስቶቻቸውን ባለማመን (አባትነታቸውን በመጠራጠር) ልጆቻቸውን ዲኤንኤ የሚያስመረምሩ ወንዶች አባት ያለመሆን ዕድላቸው ከአማኞች ይልቅ ጨምሮ ተገኝቷል፡፡

5. ወንዶች በቆንጆ ሴቶች የሚቀርቡ የቴሌቪዥን ዜናዎችን ማስታወስ አይችሉም ተብሏል (የት እየሄዱ ይሆን?)
በቆንጆ ሴቶች የቀረቡ የቴሌቪዥን ዜናዎች ወንዶች መልሰው የማስታወስ አቅማቸው ደካማ ሆኖ መገኘቱ ሌላው የወንዶች አስቂኝ ባህሪ ሆኖ ተመዝግቧል፡፡ እንደ ጥናቱ እይታም ወሲብ ቀስቃሽ መልክ፣ አለባበስና ቁመና ባላቸው የሚቀርቡ ዜናዎች በወንዶች ሴቶች ልብ ውስጥ ዘልቀው የመግባትና የመታወስ ዕድላቸው ዝቅተኛ ሆኖ ተገኝቷል፡፡ ይህም የሆነበት ምክንያት ወንዶች እንዲህ አይነት መስህብነት ያላት ሴት ፖለቲካ፣ ስፖርታዊና ጦርነት ነክ ጉዳዮች መያያዝ አለባት (ሪፖርት ማድረግ አለበት) ብለው ለመቀበል ውስጣቸው ስለሚቸገር ነው ይላል ሪፖርቱ፡፡ ይህችው ሴት መስህነት በሌለው አለባበስ ቀርባ ዜናውን ስትሰራ ግን መረጃውን በውስጣቸው የመያዝ ዕድላቸው ከፍተኛ ሆኖ ተገኝቷል፡፡
ይሁን እንጂ ተመሳሳዩ የትውስታ ጥንካሬና ድክመት በሴት ቴሌቪዥን ተመልካቾች ላይ አልታየም፡፡ ለሴቶች ዜናው መስህብነት ባላቸውም ሆነ በሌላቸው ሴቶች ላይ መቅረቡ በትውስታቸው ላይ ለውጥ አላመጣባቸውም፡፡ እንደውም ወሲብ ቀስቃሽ በሚያንፀባርቅ መልኩ በቀረቡ ሴቶች በበለጠ መልኩ ሴት ተመልካቾች የበለጠ የማስታወስ ብቃታቸው ጨምሮ ተገኝቷል፡፡ (ከወንዶቹ ፈፅሞ ተቃራኒ መሆኑ ነው) ምናልባት ይህ የሚሆነውም ወንዶቹ ሳያውቁት በመስህባዊ ሴቷ አለባበስ ልባቸው ስለሚሰረቅም ነው ተብሏል፡፡

6. ወንዶች ሴቶችን ለማማለል በማያግዝ መስሪያ ቤት ውስጥ ለመቆየት ይቸገራሉ ተብሏል
ወንዶች የተሰማሩበት የሙያ መስክ ወይም የሚሰማሩበት መስሪያ ቤት ሴቶችን በቀላሉ ለመሳብ የማያስችላቸው ከሆነ የሥራ ፍላጎታቸው ይቀንሳል ይላል አዲሱ ጥናት፡፡ ባለሙያዎች እንደሚሉት ወንዶች ወደ ዩኒቨርሲቲ ሲገቡ ሳያውቁት የሙያ ምርጫቸው ላይ ተፅዕኖ የሚያደርግባቸው አንዱ ምክንያት ሙያው ወደ ፊት የሚፈልጉትን አይነት ሴት ለመሳብና ለማግባት የሚያግዝ ሚና የመኖሩ ወይም ያለመኖሩ ጉዳይ ነው፡፡
በዚህ ረገድ ዕድሜያቸው ከ16-36 ዓመት በሆናቸው ወንዶች የመረጡት የሙያ ዘርፍ ወደፊት የሚፈልጉትን አይነት ሴት ለማግባት የማያስችላቸው ከሆነ በኮሌጅ ደረጃ የማጥናት እና የመማር ፍላጎታቸው እንደሚቀንስ በሥራም ቦታ የሥራ ትጋታቸው እንደሚወርድ ነው፡፡ የጥናቱ ባለሙያዎች እንደሚሉትም ወንዶች የሚመርጡትን ሙያና የሚሰሩትን ሥራ ለመምረጥና የበለጠ ለመትጋት ወደፊት ከሚያመጣላቸው ክፍያ ባሻገር ለሴት አፍቃሪ ምርጫቸውም የጎላ ሚና ለሚጫወተው መሆኑ ሌላው አጃኢብ ያሰኘ የወንዶች ጉድ ሆኗል፡፡

7. ወንዶችም በወሲብ እርካታ እንደ ሴቶች ያጭበረብራሉ ተብሏል (ሴቶች ነቃ በሉ)
ወንዶች እንደ ሴቶች በወሲብ የመርካት ምልክቶችን እንደሚያጭበረብሩም በጥናት ከታዩት አስገራሚ ትዕይንቶች ውስጥ አንዱ ነው፡፡ ከአሁን ቀደም የሚታመነው ሴቶች ብቻ ወንዶቻቸውን ላለማጣት ሲሉ በወሲብ ሳይረኩም እንደ ረኩ የማስመሰል ዝንባሌ እንዳላቸው የታወቀና አብዛኛዎቹ ሴቶችም ‹‹Sake Orgasm›› ማለትም የማስመሰል እርካታን እንደሚያሳዩ ይታወቅ ነበር፡፡ ይሁን እንጂ እንደ ሴቶቹ ባይበዛም 50 በመቶ የሚሆኑ ወንዶች በተመሳሳይ መልኩ የወሲብ እርካታን እንደረኩ አድርጎ የማስመሰል ዝንባሌን ይከተላሉ ይላል መጽሔቱ ተብሏል፡፡ ወንዶች ለምን እንዲህ እንደሚያደርጉም ባለሙያዎቹ የደረሱበት ጉዳይ ሴቷ ባታረካቸውም ለሴቷ ስነልቦና ሲሉ ወይም ሁኔታው ስላላስደሰታቸው ቶሎወ ሲባዊ ክንዋኔውን ለማቆም ሲፈልጉ እንደሆነም ታውቋል፡፡ ሆኖም ባለሙያዎች የሚመክሩት እርካታን በተመለከተ ወንዱ ሴቷ ሳትጨርስ (ስትረካ) ቀድሞ መጨረስ (የእርካታ ጣሪያ ላይ መድረስ) እንደሌለበት ነው፡፡

5 COMMENTS

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.