የሰውነት እንቅስቃሴ ባለማድረግ የሚሞቱ ሰዎች ቁጥር እየጨመረ ነው

exercise-womanየሰውነት እንቅስቃሴ አለማድረግ በአለም ላይ በሲጋራ ማጨስ ምክንያት ከሚሞቱ ሰዎች ቁጥር ጋር የሚመጣጠን መሆኑን በላንሴት አሳታሚ ለህትመት የበቃው አንድ ጥናት  ጠቆመ። 

የጥናቱ ሪፖርት ተባባሪ አዘጋጅ ዶክተር አሚን ሊ እንደሚናገሩት የሰውነት እንቅሥቃሴ አለማድረግ ለተለያዩ አደገኛ በሽታዎች ያጋልጣል፡፡

እንደ ጥናቱ ገለፃ በግምት አንድ ሶስተኛ የሚሆኑት አዋቂ ሰዎች በየቀኑ በቂ የሆነ አካላዊ እንቅሥቃሴ ባለማድረጋቸው ምክንያት በአመት 5 ነጥብ 3 ሚሊዮን የሚሆኑት ሰዎች ለህልፈት እንዲጋለጡ ያደርጋል፡፡    

ይህን ችግር ማስቆም በራሱ አዲስ አስተሳሰብን የሚጠይቅና ህዝቡ የአካል እንቅሥቃሴ  በማድረግ የሚገኘውን ጥቅም እንዲያስታውስ ከማድረግ ይልቅ እንቅስቃሴ  ባለማድረግ ስለሚፈጠረው አደጋ ማስጠንቀቅ እንደሚያስፈልግ ተመራማሪዎቹ  ይስማማሉ፡፡ 

በአለም  ላይ  ከተለያዩ  ማዕከላት  የተወጣጡት  33  ተመራማሪዎችን  ያቀፈ  ቡድን እንደሚገልጸው፤ መንግሥታት በሃገራቸው ውስጥ ዜጎቻቸው የአካል እንቅሥቃሴን የሚያደርጉበትን ምቹ ሁኔታ  መፍጠር  ይገባቸዋል ብለዋል፡፡  

ጥናቱ  እንደሚያትተው  አዋቂዎች  በሳምንት  ለ150  ደቂቃ ያህል መካከለኛ እንቅስቃሴ ማለትም እርምጃ፣ ብስክሌት መንዳት  ወይም  አትክልትን መኮትኮት  የመሳሰሉትን የእንቅስቃሴ  አይነቶች  እንዲያደርጉ ይመክራል፡፡

በእንግሊዝ በአብዛኛው ከፍተኛ ገቢ ያላቸው ሰዎች አነስተኛ እንቅስቃሴ  እንደሚያደርጉና ሁለት ሶስተኛ የሚሆኑ አዋቂዎች በቂ የሆነ እንቅስቃሴ  እንደማያደርጉ  ጥናቱ  ይፋ  አድርጓል ፡፡

ተመራማሪዎቹ  በሃገራት መካከል የሚኖረውን  ልዩነት ለማነጻጸር አስቸጋሪ  መሆኑንና ከቦታ ቦታ የሚደረጉት አካላዊ እንቅስቃሴዎች  እንደ ቦታው የተለያየ ነው ብለዋል ፡፡

የጥናቱ መሪ የሆኑት ፔድሮ ሃላል እንደሚናገሩት፤ በለንደን የሚካሄደው የ2012    የኦሎምፒክ ዝግጅት መመጣቱ በመላ አለም የሚገኙት ህዝቦችን ቀልብ የሚስብ ቢሆንም ከብዙ ሃገራት መጥተው የሚፎካከሩ አትሌቶች የሚመለከቱት ሰዎች ግን አካላዊ እንቀስቃሴን የሚያዘወትሩ አይደሉም ብለዋል፡፡

አሁን አለማችንን የሚፈታተናትን ይህን ችግር ለመፍታት አካላዊ እንቅስቃሴ  በማድረግ ጤናን ማሻሻልና የተለያዩ በሽታዎችን መቀነስ ይቻላል፡፡       
የእንግሊዝ የጤና ሳይንስ ፋኩሊቲ ፕሬዚደንት እንደሚሰማሙት ሁሉም ሰው  ጤናውን  ለመንከባከብ የሰውነት እንቅስቃሴን የየዕለት ተግባሩ አድርጎ መውሰድ ይገባዋል  በማለት ምክራቸውን ለግሰዋል፡፡ 

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.