ኪንታሮት በዘመናዊ ህክምና የሚድን በሽታ ነው

2
Spread the love
  •  
  •  
  •  
  •  
  •  
  •  
  •  
  •  
  •  
  •  

የበሽታ ቀላል የለም፡፡ ምክንያቱም ቀለል ያለ በሽታ ለጉዳት አሳልፎ አይሰጥም በማለት ብዙዎቻችን ወደ ህክምና የመሄዱሁኔታ አይታየንም፡፡ ሆኖም እንደቀላል ያየነው በሽታ ባህሪይውን ይለውጥና የጤና መቃወስን ማስከተሉ አጠያያቂ አይደለም፡፡ ስለሆነም ማንኛውም ሰው የህመም ስሜት ሲሰማው ወደ ህክምና ተቋም በመሄድ ባለሙያን ማማከር ግድ ይለዋል፡፡

የኪንታሮት በሽታ በህክምናው አባባል (ሄሞሮይድ) በፊንጢጣ ዙሪያ የሚመጣ የደም ስር ማበጥ ነው፡፡ ሆኖም የደም ስር ብቻ ሣይሆን የሚያብጠው ደምስርን የሚይዘ ው የፊንጢጣ ዙሪያ አብሮ የሚያብጥበት የበ ሽታ አይነት ነው፡፡ የኪንታሮት በሽታ ወይም ሄሞሮይድ በአብዛኛው የሚከሰተው ፊንጢጣ አካባቢ ነው፡፡ በፊንጢጣ አካባቢ ሄሞሮይድ የሚባሉ ሶስት ዓይነት የደም ስሮች አሉ፡፡ እነሱም፡-በቀኝ በኩል፣ በፊትና በኋላ በኩል፣ በግራ በኩል የሚገኙ ናቸው፡፡ እነዚህ የደም ስሮች ሲያብጡ በሽታው በፊንጢጣ አካባቢ ይከሰታል፡፡ አልፎ አልፎ ሌላ ቦታ ሊከሰት እንደሚችል የህክምና
ባለሙያዎች ይናገራሉ፡፡

download-21ኪንታሮት ማንኛውንም የህብረተሰብ ክፍልን እንደሚያጠቃ የሚገልፁት ባለሙያዎ ች በአብዛኛው አምራቹን የህብረተሰብ ክፍል ያጠቃል፡፡ ወላድ ሴቶች ላይም ይከሰታል፡፡ ወላዶች ላይ እርግዝና ስላለ እርግዝናው የደም ስሮችን ይጫ ናል፡፡ በዚህ ምክንያት በሽታው ሊከሰት ይችላል፡፡ ይህ በሽታ ከስቴት ስቴት በሚዟዟሩ (ረዥም ጊዜ በሚያሽከረክሩ) በሹፌሮች ላይም ይታያል፡፡ ምክንያቱ ደግሞ ለብዙ ሰዓታት ተቀም ጠው ስለሚውሉ ወይም የሚ ቀመጡበት ቦታ ጠበብ ያለች በመሆኗ ደምስርን ተጭኖ ስለሚይዘው ነው፡፡ ወላዶች ላይ ብዙውን ጊዜ የማማጥ ሁኔታ ከታየባቸው በሽታው ሊከሰት እንደሚችል የሚናገሩት የህክምና ባለሙያዎች የሽንት ቧንቧ መጥበብ ኖሮባቸው ለብዙ ጊዜ የሚያምጡ ሰዎች ላይም ይከሰታል፡፡ ድርቀት ኖሮባቸው የሚያ ምጡ ወይም ተደጋ ጋሚ ተቅማጥ የሚያስቀ ምጣቸው ሰዎችም ለበሽታው የመጋለጥ እድላቸው የሰፋ እንደሆነ ያስረዳሉ፡፡

የኪንታሮት ደረጃ

የኪንታሮት በሽታ ደረጃዎች የውጭና የውስጥ ተብለው በሁለት ይከፈላሉ፡፡ የውጭ ኪንታሮት የሚባለው ከፊንጢጣ ዙሪ ያ ሆኖ ቆዳ ስር የሚፈጠረው ዓይነት ሲሆን የውስጥ የሚባለው ግን በውስጠኛው የፊን ጢጣ ክፍል የሚከሰት መሆኑን ባለሙያዎች ይገልጻሉ። የውስጥ ኪንታሮትም ደረጃዎች አሉት፡፡ የመጀመሪያው ደረጃ በውስጡ ብዙ ህመም ሳይኖር ወይም እብጠት ሳይኖር ምልክቱ መድማት ብቻ ይሆናል፡፡ ሁለተኛ ደረጃ የሚባለው አልፎ አልፎ የመድማት ምልክት ሊኖርበት ይችላል፡፡ ግን ሲያምጡ ወጣ ይልና በራሱ ጊዜ የሚገባው ነው፡፡ ሦስተኛው ደረጃ ደግሞ ወደ ውጭ ወጥቶ ሰዎቹ በግድ እንደገና የሚመልሱት ዓይነት ሲሆን አራተኛው የሚባለው ወጥቶ የሚቀረው ነው፡፡

ጠበብት እንደሚሉት ይህ በሽታ አልፎ አልፎ ከሌላ በሽታ ጋራ ግንኙነት አለው፡፡ ድርቀት ያለባቸው፣ ለብዙ ጊዜ የሚ

ያምጡ ወይም ተቅማጥ ያለባቸው በሽተኞች ላይ ሊከሰት ይችላል፡፡ ስለዚህ ድርቀትን የሚያመጣ፣ ተቅማጥ የሚያመጣ ነገር እንደመነሻ ሊቆጠር ይችላል፡፡ ሌላው የሽንት ቧንቧ መዘጋት ያለባቸው ሰዎች ኪንታሮት ሊከሰትባቸው ይችላል፡፡ በሌላ በኩል አንዳንድ ጉበታቸው በበሽታ የተጠቃ ሰዎች ላይም ደም ስሮቻቸው ስለሚለጠጡ፣ በሽታ ሳይኖርባቸው ነፍሰ ጡር እናቶች በሚያምጡበት ጊዜ እና በሆድ ውስጥ ካንሰር ያለባቸው ሰዎች በበሽታው ይጠቃሉ፡፡ በዋናነት የመድማቱ ሁኔታ የሚታየው በሚፀዳዱበት ሰዓት ነው፡፡ ማማጥ በሚኖርበት ሰዓት የደም ስሩን ይወጥሩትና እንዲፈነዳ ያደርጉታል፡፡ በተለይም ዓየነ-ምድሩ ድርቀት ኖሮት የማስማጥ ሁኔታ ካለ በሚፀዳ ዱበት ጊዜ ደም ይፈሳል፡፡

እንደ ዶክተሮች ገለጻ እዚህ አሜሪካ የህክምና አማራጮች ቀላል ቢሆኖም ባልሰለጠኑትና እንደኢትዮጵያ ባሉት ሃገራት በማወቅና ካለማወቅ ወይም ከግንዛቤ ማነስ ሰዎች በኪን ታሮት ሲታመሙ ወደ ዘመናዊ ህክምና ተቋም ከመሄድ ይልቅ ባህላዊ መድሃኒት ፍለጋ ይሄዳሉ፡፡ በዚህ ምክንያት ቶሎ መዳን ሲችሉ በሽታው ሲባባስባቸው ይታያል፡፡ እንደሚታወቀው የኪንታሮት በሽታ /ሄሞሮይድ/ አራት ደረጃዎች አሉት፡፡ አንደኛና ሁለተኛ ደረጃዎች የሚባሉት ወደ ቀዶ ህክምናም ላያስኬዱ ይችላሉ፡፡ በቀላሉ በመድሃኒት ና በምክር የሚድን በሽታ ነው፡፡ የኪንታሮት በሽታ (ሄሞሮይድ) ማለት ከባድ በሽታ አይደለም፡፡ ምና ልባት ተጨማሪ ሌላ ሄሞሮይድ መስሎ የሚከሰት እንደ ካንሰር ዓይነት ካልተፈጠረ በስተቀር ለህይወት እንደማያሰጋ የሚገልፁት ዶ/ሮች ሦስተኛና አራተኛ ደረጃ ላይ ከደረሰ የቀዶ ህክምና የሚያስፈልገው ይሆናል፡፡ አንደኛና ሁለተኛ ው ደረጃ የሚባሉት በዘመናዊ ህክምና የሚፈወስ ስለሆነ ወደ ባህል መድሀኒት መሄዱ ተገቢ አይደለም፡፡ ለዚህ በሽታ ባህላ ዊ መድሃኒት በመጠቀም ፊንጢጣ አካባቢ ችግር ተፈጥ ሮባቸው የሚመጡ ታማሚዎች አሉ፡፡ የባህል መድሀኒቱም ጠባሳውን ያጠቃ ዋል፤ ያብጥናም ፊንጢጣ ውን ይዘጋዋል፤ ለመፀዳዳትም አስቸጋሪ ይሆንባቸዋል፡፡

የኪንታሮት በሽታ ህክምና ያለው ቀላል በሽታ ነው፡፡ የተለያዩ ደረጃዎች ስላሉት እንደ በሽታው ደረጃ ቀዶ ህክምና ሊኖር ይችላል፡፡ የህክምና ባለሙያ ሳያማክሩና ሳይታዩ ባህላዊ መድሃኒት ወስደው ለከፋ ችግር የሚጋለጡ በመኖራ ቸው ወደባህላዊ መድሀኒት ቤቶች ባይሄዱ ይመከራል፡፡ ስለዚ ህ በሽታው ከታወቀ ወደ ህክምና ባለሙያ በመሄድ ባለሙያውን ማማከሩ ተገቢ ነው በማለት መልዕክታቸውን አስተላልፈዋል፡፡

Source- clickhabesh


Spread the love
  •  
  •  
  •  
  •  
  •  
  •  
  •  
  •  
  •  
  •  

2 COMMENTS

  1. ህክምና የምንለው ሙሉ በሙሉ አይፈውስም ጊዚያዊ መፍትሄ ከሰጠ እንጂ ይልቅ ከቻላችሁ hemorroid no more by Jesika የሚለውን መፅሐፍ ብተረጉሙትና ለገበያ ቢቀርብ ጥሩ መፍትሔ ነው።

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.